PHAKKIKĀRTHAVIVECHANAM

व्याक्रियन्ते व्युत्पाद्यन्ते शब्दाः अनेन इति व्युत्पत्त्या शब्दसाधुत्वप्रतिपादकं शास्त्रं व्याकरणमिति । साधुशब्दा हि प्रयुज्यमाना यथार्थम् अर्थम् अवबोधयन्ति न असाधुशब्दाः । साधुशब्दप्रयोगे तु व्याकरणाध्ययनं हि प्रधानं प्रयोजकम् । न हि व्याकरणज्ञानरहितः साधुशब्दान् प्रयोक्तुं क्षमः । तत्र व्याकरणस्य ज्ञानार्थम् अष्टाध्याय्याः, सिद्धान्तकौमुद्यादिग्रन्थानाम् अध्ययनं परमावश्यकम् । तत्र सिद्धान्तकौमुद्यां फक्किकादयोऽपि विद्यन्ते । तासां ज्ञानं सहजतयैव न जायते अपि तु तज्ज्ञानार्थं वैशिष्ट्येन अध्ययनमपि करणीयं भवति । तच्च विशेषाध्ययनं सहजतयैव भवेदेतदर्थं मया सिद्धान्तकौमुदीस्थानां प्रमुखानाम् फक्किकानां विवेचनं कृतम् ।